Articles by alphabetic order
A B C D E F G H I J K L M N O P Q R S T U V W X Y Z
 Ā Ī Ñ Ś Ū Ö Ō
1 2 3 4 5 6 7 8 9 0


Early Nyingma Writings

From Tibetan Buddhist Encyclopedia
Jump to navigation Jump to search
LONGCHEPA3.jpg





NOTE: This file contains full texts of some early Nyingma and Imperial Period compositions by Tibetans, as well as primarily bibliographical notes on the same. Notes come first, then the full texts (the titles are listed in the 'table of contents' below). Compilation and input by Dan Martin, Jerusalem. Not yet rechecked, and of course there is much more to add. So far, only some of the shorter works have been included here. The 'Amazing Treatises' (Ngo mtshar Bstan bcos) section at the end of the Derge Tanjur (Sde dge Bstan 'gyur) is an especially rich source for early Tibetan compositions.


    To begin with, a list of Old Tibetan compositions from Pawo Rinpoche's Scholar Feast (Mkhas pa'i Dga' ston) (PRC ed.), pp. 401-2:


khyad par du sangs rgyas kyi bstan pa nyi ma shar ba bzhin mdzad de btsan nyid kyis kyang bka' yang dag pa'i tshad ma bam po bdun / de mdor bstan pa bam po gcig / de bzhin gshegs pa'i skad brda bam po lnga / byams pa'i bstod chen bam po gcig lhag pa sogs bstan bcos gzhung tshan che ba dang / grub pa'i mtha' dgrol ba / dbu ma'i gzer bu / bsam gtan gyi dogs pa brgyad bsal ba lha btsan po'i bkas bcad sogs dang /

'phags pa rnam snang dang / shâkya thub pa dang / 'jam dpal dang / byams pa dang / mi g.yo mgon dang / byang chub sems dpa' brgya la bstod pa sogs gzhung tshad chung ba'i bstan bcos du ma mdzad do //

Trisong Detsen.jpg

dkar chag 'phang thang mar yum stong phrag brgya pa'i 'grel chen bam po don brgyad pa KHRI SRONG gis mdzad par bshad kyang / dkar chag chims phu ma dang ldan kdar ma gnyis su de gnyis rgya gar mar bshad pas tamshtra se na'i 'bum tîk de yin no zhes kun mkhyen bus bshad do //

gzhan yang dgongs pa nges 'grel gyi mdo'i 'grel pa MU TIG BTSAN POs mdzad pa dang / jo mo byang chub rje'i smon lam sogs lha sras dang btsun mos mdzad pa dang / BAI RO TSA NAs mdzad pa'i don gsal sgron me / rigs pa drug bcu pa las btus te mdor bshad pa / [402] snang mtha'i mtshan brjod la sogs dang / DPAL DBYANGS kyis gces pa bsdus pa'i 'phrin yig / KA BA DPAL BRTSEGS kyis gsung rab rin po che'i gtam / phyi'i yul dran rgyud du yod par 'dod pa sel ba / mtshan nyid gsum mdor bstan / ZHANG YE SHES SDEs lta ba'i khyad par / bzang spyod kyi 'grel pa bzhi'i don bsdus / 'jig rten pha rol sgrub pa / dgongs ldem dgongs bzhi'i brjed byang / COG RO KLU'I RGYAL MTSHAN gyis dgongs pa nges 'grel gyi rgya cher 'grel bam po bzhi bcu / nges pa'i don dbu ma / sher phyin mdor bsdus / phreng ba'i rgyan / chos bcu / nges pa'i don dbu ma / sher phyin mdor bsdus / phreng ba'i rgyan / chos gtan la dbab pa'i gal / DPAL BRTSEGS dang KLU'I RGYAL MTSHAN gyi brgal lan bzhi phrugs / slob dpon shes rab snying po'i dgongs 'grel byams le'i brjed byang / pra sha se na'i sher snying tî ka / slob dpon bkra shis kyi dbu ma rgyan gyi brjed byang bam po bcu dang sdom pa nyi shu pa'i 'grel pa / dpal gyi lhun po'i dge slong ma'i so thar gyi 'grel pa / a tsarya ka la ya na dang / rin chen zla 'byung dang / kong utpal ko sha sogs kyi drin lan / LCE KHYI 'BRUG gi sgra'i gnas brgyad rtsa 'grel dang / ma byin len gyi skabs nas mkhan po bzhis dpyad pa sogs lo tsâ ba chen po rnams kyis kyang bstan bcos mang du mdzad cing / ...

| | | | | | | | | | | |

    Source: Marcelle Lalou, Les textes bouddhiques au temps du roi Khri-sron-lde-bcan, Journal Asiatique 241 (1953) 336 (transcription altered slightly):

Guru-Rinpoche-in-Ka.jpg

XXVIII btsan po khri srong lde btsan gyi mdzad pa'i gtsug lag la /
[723] bka' yang dag pa'i tshad ma / 2,100 shlokas / 7 bam po //
[724] de bzhin gshegs pa'i skad dha (=skandha?) / 1,500 shlokas / 5 bam po //
[725] byams pa'i bstod pa chen po / 400 shlokas / 1 bam po //
[726] byams pa'i bstod pa chung ngu / 150 shlokas //
[727] grub pa'i mtha' 'gro ba / 40 shlokas //
[728] dbu ma'i gzer bu / 30 shlokas //
[729] theg pa chen po'i bsam gtan gyi man ngag / gol sa brgyad btsal ba / btsan pos bkas bcad pa / 30 shloka //

| | | | | | | | | | | |

    Notes on works of Gnubs chen Sangs rgyas ye shes:


A. Darkness Armor (Mun pa'i go cha).

Note the following subcommentary to a treatise by Gnubs chen Sangs rgyas ye shes (extracted from Library of Congress records): Kah thog Mkhan po Nus ldan (Thub bstan mkhyen brtse blo gros thig le rdzogs pa rtsal), Dpal spyi mdo dgongs pa 'dus pa'i grel pa rnal 'byor nyi ma gsal bar byed pa'i legs bshad gzi ldan 'char kha'i 'od snang, "a detailed commentary on the general tantra of the Anuyoga class, the Mdo dgongs pa 'dus pa of the Rnying ma pa tradition, based upon the ancient exegesis, the Mun pa'i go cha of Gnubs chen Sangs rgyas ye shes," Dupjung Lama (Kalimpong 1983).

Guru-rin.jpg

On this text, see also Blue Annals pp. 153, 160. The same work is mentioned in the five-volume version of Gu ru Bkra shis' history (Bstan pa'i snying po gsang chen snga 'gyur nges don zab mo'i chos kyi 'byung ba gsal bar byed pa'i legs bshad mkhas pa dga' byed ngo mtshar gtam gyi rol mtsho, vol. 2, p. 273).


B. Lamp for the Eye of Contemplation (Bsam gtan mig sgron).

For his Bsam gtan Mig Sgron, see Sgom gyi Gnad Gsal bar Phye ba Bsam gtan Mig Sgron (also called, Rnal 'byor Mig gi Bsam gtan) a treatise on Bhavana and dhyana and the relationships between the various approaches to Buddhist contemplative practice by Gnubs chen Sangs rgyas ye shes, reproduced from a ms. made presumably from an eastern Tibetan print byu 'Khor gdong Gter sprul 'Chi med rig 'dzin, S.W. Tashigangpa (Leh, 1974), where there is a preface with a list of works, as follows:
1. Mdo'i 'grel chen Mun pa'i go cha.
2. Dka' gcod Smra ba'i mtshon cha.
3. Sgyu 'phrul brgyad cu pa'i mngon rtogs 'grel.
4. Rdzogs chen gyi man ngag Bsam gtan mig sgron.
The Bsam gtan Mig Sgron is mentioned in Bka' ma Mdo Dbang gi Bla ma Brgyud pa'i Rnam thar: Ngo mtshar Dad pa'i 'Phreng ba by Rdo brag Rig 'dzin I Padma 'phrin las, Jayyed Press (Delhi 1972) p. 169.6.

There are citations of Bsam gtan mig sgron in the Gsan yig of the Dalai Lama V, vol. 2, pp. 328.1, 333.6 ff.

Shakyamuni-Mandala.jpg

In the text of the Bsam gtan Mig Sgron itself, p. 151, line 6, there is a citation from the Bsgom lung of Lo tsâ ba Ska ba Dpal brtsegs.

| | | | | | | | | | | |

(Rong lugs) SGOM YIG CHEN MO A group of Old Tibetan texts which were passed down through the Rong lugs transmission of Rnying ma pa school. Listed in Gu ru Bkra shis2 II 224.3, 233.5, as follows:
1) Rnal 'byor Rig pa'i Nyi ma.
2) Bsam gtan Mig gi Sgron ma.
3) Bsam gtan Snying gi Nyi ma.
4) Brdar sha.
5) Gzer bu.
6) Zhu lan.
7) Khung gdab.
8) Rdo rje sems dpa'i Zhu lan.
Note: nos. 6-7 may be taken together as a single title for a single text, making a total of 7 titles only.

| | | | | | | | | | | |

Prajnaparamita.jpg

    Source: A modified version of the ACIP version of the catalogue of the Sde dge Bstan 'gyur, the section of works by Old Tibetan Buddhist figures. These are found in the volumes with the keyletters CO through JO:

Samantabhadra140.jpg
[[File:|thumb|250px|]]


da ni bod kyi mkhas pa chen po rnams kyis mdzad pa'i dpe dkon pa ci rigs pa dang | mdzad pa po'i mtshan ma smos pa'i mtshan gyi rnam grangs la |

CO PA la | lo pan mang pos mdzad pa'i sgra bye brag tu rtogs byed chen mo | | bye brag tu rtogs byed 'bring po sgra sbyor bam po gnyis pa pho brang 'on cang rdor bod dang | rgya gar gyi mkhan po thams cad kyis chos skad gtan la phab ste mkhas pa rnams 'tshogs te ming du btags | lha btsan po khri srong lde btsan gyis bskul nas bkas bcad de mi bcos par bzhag pa | 'dir bye brag tu rtogs byed chung du rnyed na bri'o | |

thon mi â nus byas pa'i sgra'i bstan bcos lung du ston pa'i rtsa ba sum cu pa dang | lung du ston pa rtags kyi 'jug pa zhes bya ba slob dpon aa nus mdzad pa | lce khyi 'brug gis mdzad pa'i byâ ka ra na'i skad mdo tsam zhig bsgyur ba gnas brgyad kyi rtsa ba dang | sgra'i bstan bcos gnas brgyad kyi 'grel pa dang | sgra'i rnam par dbye ba (ma byung) bstan pa su banta dang | bka' yang dag pa'i tshad ma las mdor bsdus pa le'u bco lnga pa rgyal po khri srong lde btsan gyis mdzad pa | shrî singhas mdzad pa'i sher snying gi 'grel pa mdo sde las sngags su bkrol ba pa gor bai ro tsa nas rgyal po khri srong lde btsan la gdams pa don gsal ba'i sgron ma dang | slob dpon bai ro tsa nas rgyal po khri srong lde btsan la gdams pa rin po che rtsod pa'i 'khor lo | gces pa bsdus pa'i phrin yig btsun pa chen po dpal dbyangs kyis bod rje 'bangs la brdzangs pa | lta ba'i rim pa'i man ngag ska ba dpal brtsegs kyis mdzad pa | [fol. 464a] gsung rab rin po che'i gtam rgyud dang shâkya'i rabs rgyud mkhan po dpal brtsegs kyis mdzad pa rnams bzhugs so | | | |

CHO JO gnyis la | 'phags pa dgongs pa nges par 'grel pa'i mdo'i rnam par bshad pa bzhugs | 'di 'phags pa thogs med kyis mdzad zer ba mi bden te | 'di'i 'thad pa bsgrubs pa'i gtan tshigs kyi skabs nas | lha btsan po byang chub rdzu 'phrul gyis mdzad pa'i bka' yang dag pa'i tshad ma las blta bar bya'o zhes bod kyis byas pa'i bstan bcos la kha 'phang yod pa'i phyir ro | |

sngon gyi dkar chag las | lo tsâ ba klu'i rgyal mtshan gyis mdzad pa'i mdo sde dgongs 'grel gyi 'grel pa bam po bzhi bcu zhes 'byung ba de yin par sems so | |'phags pa bzang po spyod pa'i smon lam la phyogs kyi glang pos 'grel pa mdzad pa dang | shâ kya bshes gnyen dang | sangs rgyas grags pa dang rgyan bzang pos tî ka mdzad pa dang | rnam pa bzhi'i don dang 'phral du mkhan po dag las thos pa dang | mdo sde nas 'byung ba dang yang sbyar te bshad pa lo tsâ ba ye shes sdes brda phrad sla bar brjed byang du byas pa | lta ba'i khyad par mkhan po ye shes sdes mdzad pa | sangs rgyas gtso'i rgya cher 'grel pa bod kyi lo tsâ ba zhang ye shes sdes mdzad pa | chos kyi rnam grangs kyi brjed byang dang | chos kyi rnam grangs kyi brjed byang gi rtsa ba â tsârya dpal brtsegs kyis mdzad pa | 'brug gi lo la pho brang stong thang ldan dkar gyi bka' dang bstan bcos 'gyur ro cog gi dkar chag lo tsâ ba dpal brtsegs dang | nam mkha'i snying po la sogs pas mdzad pa rnams bzhugs so | | | |


Source: Dge 'dun chos 'phel gyi Gsung rtsom (1990) I 275: Cites the Sgra sbyor bam po gnyis pa and a "genuine old text" in the Tanjur, the Dpal rtsegs (Dpal brtsegs) kyi Mdo btus.
There is an early 9th century sûtra citation text by Ka ba Dpal brtsegs (Tohoku no. 4357), in about 139 folios, outlined in Tucci, Minor Buddh. Texts 449-451. Tucci lists the titles of the sûtras cited, mostly in their Sanskrit versions.

| | | | | | | | | | | |

Here is an outline of the content of the remainder of this file:

1. Lta ba'i rim pa bshad pa, by Dpal brtsegs.
2. Thugs kyi sgron ma, by Dpal dbyangs.
3. Lta ba yang dag sgron ma, by Dpal dbyangs.
4. Mtha'i mun sel sgron ma, by Dpal dbyangs.
5. Thabs shes sgron ma, by Dpal dbyangs.
6. Rnal 'byor spyod pa'i lugs nges pa'i don la ji bzhin sgom thabs kyi sgron ma, by Dpal dbyangs.
7. Lta ba rin chen sgron ma, by Dpal dbyangs.
8. Lta ba'i rim pa, by Nyi ma'i 'od.



| | | | | | | | | | | | | | | | | | | | | | | | | | | | | | | | | | | | | | | | | | | | | |


Source: Sde dge Bstan 'gyur, vol. CO. Tohoku no. 4356.

Note that a summary of this text is supplied in G. Tucci, Minor Buddhist Texts II 447-449. Karmay and others have mentioned it. Complete translation in Matthew Kapstein's forthcoming book. Also, S. Tsuda, Classification of Tantras in dPal brtsegs's lTa ba˙i rim pa bshad pa and Its Problems, Indogaku Bukkyôgaku Kenkyû, vol. 13, no. 1 (1965), pp. 42 47.

1.

lta ba'i rim pa bshad pa bzhugs ||

padma'i spyan la phyag 'tshal nas ||
lta ba'i rim pa bshad par bya ||

'jig rten pa dang 'jig rten 'das ||
gser gyi rdzas ltar gcig las snang ||
rnam grangs snang ba lnga gsum gnyis ||
shes nas gzhag dang blang bar bya ||

thams cad byang chub snying po'i klong ||
padma 'khyil ba'i rang bzhin la ||
rang go rtog rnyod ri bos mnan ||
rang rgyud rkyen gyis log snang ba ||

skye bo pa dang mu stegs pa ||
drug dang rtag chad snang bar byung ||
dmus long tshul gyur skye ba yang ||
mtho yor mi ltar brtags snang ba ||

dmyal ba'i rang sems mi sogs snang ||
yi dags sdig sems mi gtang yul ||
byol song gyen thur ngam grog snang ||
mi la mthong yul 'di nyid snang ||

de bzhin lha min go mtshon snang ||
lha yi dge sems rin chen snang ||
ci yang snang phyir mthong mi bden [fol. 237] ||
skye bo rtogs pas phrogs pa yi ||
rnam 'phrul phyi nang lta bur snang ||

rkyen gyis log tshul mu segs pa ||
khrid byed drug gi bstan pas bslus ||
mdo bsdus mu stegs chad pa la ||
glo bur tsam snang mtha' med lta ||
rtag pa byas snang dngos por 'dod ||

de yang rgyu min rgyur smra ba ||
rang bzhin rgyur 'dod dbang phyug rgyu ||
ngo bo nyid la rgyur smra dang ||
rdul phran rgyu ru 'dod pa dang ||
byed po rgyu ru 'dod pa log ||

gzhan yang mu stegs zhar byung la ||
phyi rol ba dang yang dag pa ||
gsang sngags pa dang gsang chen pa ||
gnyis gsum lnga rnams rgyu yi tshul ||
gsum gnyis 'bras bu'i tshul snang ba ||
bdag tu 'dzin pa bzhi la lta ||

'jig rten 'das pa'i lta ba yang ||
cig shos lta ba las 'phags pa ||
nyan thos rang rgyal mdo sde dang ||
kri ya u pa yang dag dang ||
de bzhin yo ga'i theg pa dang ||
ma hâ yo ga'i theg pa dang ||
a nu yo ga'i theg pa dang ||
a ti yo ga'i theg pa dang ||
chos tsam lta ba'i nyan thos pas ||
mdo sde pa dang bye brag gnyis ||
phyi rol yul la rtsod byed cing ||
shes pa skad cig snang bar mthun ||

de bzhin rang rgyal theg pa ba ||
phyi rol bcu gnyis sgyu ma tsam ||
rdul yang phyogs chas ma grub 'phags ||
shes pa skad cig snang dang mthun ||

mtshan nyid theg pa'ang rnam pa gsum ||
rnam rig pa dang rnal 'byor pa ||
de bzhin mdo sde dbu ma pa'o ||

rnam rig phyi rol mtho yor mi ||
srab mo rta ltar med bzhin du ||
rang gi rnam shes 'khrul snang 'dod ||
don dam ye shes skad cig 'dod ||

rnal 'byor dbu ma kun rdzob mthun ||
don dam stong pa ma skyes 'dod ||
mdo sde kun rdzob sgyu ma tsam ||
yul rnams log nas snang bar lta ||
dam par mtha' gnyis bral ba yis ||
dbu ma chen por 'dod pa'o ||

kri has don dam chos nyid lta ||
kun rdzob rang rig yon tan lta ||
rigs gsum dkyil 'khor snang ba la ||
skye bos 'khrul pa med par 'dod ||

gnyis ka rgyud kyi spyod pa ni ||
lta spyod gong 'og rjes su mthun ||
yo ga'i don dam rnam dag pa'i ||
chos kyi dbyings kyi ye shes su ||
rtogs pa'i byin rlabs ltar snang la ||
skye bos 'di dag lhar mthong 'khrul ||

ma hâ yo ga'i don dam du ||
rang gnyis med de de bzhin nyid ||
rtogs pa'i cho 'phrul drug sogs pa'i ||
ltar snang ngang la 'khor ba med ||

a nu yo gas don dam du ||
bde chen rtogs pas rig pa'i rtsal ||
kun rdzob lha yi dkyil 'khor snang ||
de phyir skye bos brtags pa 'khrul ||

a ti yo ga'i bden gnyis bral ||
thams cad rang byung rang snang ba'i ||
ye shes mtha' dbus bral ba la ||
brtags pa gnyis po gdod nas med ||
de phyir gser la gser mthong ltar ||
ji bzhin ma nor bden mthong yin ||
mnyam nyid rang bzhin ma nges pas ||
ji ltar bltas pa der snang phyir ||
dngos po rtag pa yod min te ||
yod na kun la mthun snang phyir ||
de phyir rang sems ngo bor snang ||
brtags pa gcig yul gcig min pas ||
'khrul pa snang bar the tshom med ||

des na spyod yul gdod nas med ||
rtog sems 'gro ba so so'i sems ||
gcig na dge sdig rnam smin yang ||
ma spyad kun gyis myong bar rigs ||

de min yang dag don mi rung ||
rnam smin thun mong ma gyur phyir ||
gcig min de nyid ma skyes pas ||
tha dad don du'ang mi rung ste ||
gcig dang tha dad las grol ba'o ||

dngos po sna tshogs brtags pa yi ||
ming la grub pa'i gtan tshigs med ||
de phyir mtshan nyid ci yang min ||
ma grub pa la yod rtogs pa ||
sgyu ma'i skyes bus shes 'gyur gyi ||
rgyal ba nyid kyis mi mkhyen no ||

snang bas spyod yul ma grub phyir ||
dmigs pa'i shes pa yod mi rung ||
spyod yul ma skyes ye shes phyir ||
bsgom bya'i chos nyid logs na med ||

sems kyi ye shes mtha' bral phyir ||
sgom pa po yang ga la yod ||
de ltar sgom mkhan dngos med na ||
mi gnas mi rtog 'jog pa dang ||
nam mkha' lta bu rang gsal ba'i ||
rang sems yong gis de lta'o ||

ci yang yid la mi byed na ||
yang dag don la phebs pa'i rigs ||
lus ngag ma skyes gzhi med phyir ||
skyil krung smra bcad kha na med ||

de bzhin sems kyang dngos bral bas ||
rtog spang sgom pa'i khar mi 'ong ||
de ltar rtog pa sgom pa'o ||

yal bar 'dug pa nam yang med ||
ci phyir bdag nyid de phyi rabs ||
rang gi dbyings las g.yos pa med ||
rtog pa'i mtshan ma bzang dang ngan ||
ci skyes dgag par mi bya zhing ||
de don dran pas 'bral ba'ang med ||
rang byung rang zhir nga smra'o ||

dper na rkun po tshor ma thag ||
ma bskrad 'bros bzhin gdeng gis zhi ||
lta ba'i shugs las byung ba'i phyir ||
ched du tshor ba bstan mi dgos ||
de min blo yi skad cig tu ||
rnam rtog rang gi de nyid blta'o ||

bying ba shes pa ldang mi nus ||
rmugs pa don nyid mi gsal pa'o ||
bying rmug rab tu bying rmug dang ||
shin tu bying rmug phyir mi gtang ||

de bzhin rgod pa rnam pa gsum ||
le lo snyom las dman la sbyor ||
dogs pa gol dang lhung ba gnyis ||
re ba rtags dang 'bras bu'o [fol. 238] ||

'khrug nang 'jug tu mi btub dang ||
lus kyi bya byed spyod pa dga' ||
ngag gi ca co smra dga' ba ||
yang dag don las ring ba'i phyir ||

bya byed grong yul gtam mi gleng ||
sbyin dang cho ga'i las mi bya ||
dge ba'i las kyang g.yeng 'gyur na ||
sdig las mi bya smos ci dgos ||

nyams dang g.yo dang goms pa dang ||
brtag pa'i nyams dang sbyar bar bya ||
don du 'di snyam bstan du med ||
de rtogs yang dag nyams dang ldan ||
de tshe phyi nang gsang ba'i drod ||
phyi nang rtags kyang rim pas 'byung ||

skyes kyang dga' drod sems ma byed ||
med kyang de la mi dga' med ||
de dag g.yo dang thob brtan na ||
rim 'byung gsang na dngos grub 'byung ||

klu gsum ldan pa'i skyes mchog la ||
seng ge lta bur 'jig tshogs bral ||
zas dang nor gnyen ma chags shing ||
snying rje chen po mi 'bral na ||
chos nyid don dang phrad pa'i rtags ||
ci spyod don las ma nyams na ||
goms nas las su rung ba'i rtags ||
'di ldan dbang phye btsums med na ||
snang ba gang yang mi bskyon zhing ||
yid la bya ba med phyir ro ||

lus kyis rim par bzod thob dang ||
chos brgyad spong len med pa dang ||
tshig tsam lta la khungs chung zhing ||
bya med chos la blo gtad nas ||
rtsing chos pha.t ral spyod byed pa ||
rgyal ba'i bkas kyang mi skyobs te ||
ya nga'i 'bras bu the tshom med ||

rtogs pa'i mtshan nyid brgyad ldan na ||
skyes bu de ni rgyal ba'i sras ||
gdeng med lta ba mtho 'dod pas ||
rang gi nga rgyal snyems byed pa ||
ri bos srog chags mnan pa ltar ||
nam yang thar pa'i khar mi 'byung ||

gsang sngags gsang ba'i sgor zhugs nas ||
yang dag don la mi 'dud par ||
mi chos zang zing las byed cing ||
rang dbang yod bzhin dbang med ces ||
smra zhing gsang don yal 'jog pa ||

phyi ma gar 'gro gtol med par ||
gal med le lo'i las byas pa ||
e ma'o rang 'joms dpa' ba ste ||
rgya mtsho mjing gi pha bong ltar ||
thugs rje'i zhags pa dpyangs thag yin ||
rang gis rang bslu snying re rje ||
le lo can la thar lam med ||

lta ba'i rim pa'i man ngag ka ba dpal brtsegs kyis mdzad pa rdzogs so || ||



_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_


Source: Sde dge Bstan 'gyur, Tohoku no. 4446. By Dpal dbyangs. Note that there are a few 'x's in the text, which would seem to indicate that the original behind it was made from a unique manuscript with some illegible syllables. Tucci, Minor Buddhist Texts 451-461, summarizes and comments on this set of six texts. Listed in Karmay, Great Perfection, p. 66 n. 21. Gling ras pa was one who studied these texts as a young person, and later on composed six 'Lamp' texts of his own.

2.

thugs kyi sgron ma bzhugs || ||

de bzhin gshegs pa thams cad kyi ||
sku gsung thugs kyi rdo rje'i bdag ||
chos kun rdzogs pa'i thugs rdo rje ||
sems dpa' che la phyag 'tshal lo ||

spyan mchog dbul ba'i shi sha'i phyir ||
sgyu 'phrul dra ba'i rgyud dag las ||
'khor lo dag mchu'i tshul bzhin du ||
sgyu 'phrul thugs kyi sgron ma de ||
'dzin pa'i dbang gis sdug bsngal bas ||
g.yo 'dzin gsum dang mi g.yo ba'i ||
'dzin dgu log lta de bzhin pa'i ||
rnam gnyis spang phyir gnyen por brjod ||

bsam mi khyab dang de bsdus pa ||
brgyad khri bzhi stong da lta bas ||
gnyis bsdus nges bzhi 'bras bur gcig ||
thun mong mchog gi lam lnga po ||
'dod pa'i yul la zhen pa dang ||
bsam gtan snyoms 'jug 'du shes med ||
rtag tshad [rtag chad] bcu gsum zhen pa rnams ||
ring du gtong la mi mthun pa'i ||
spyod pa nyi shu rtsa gcig la'ang ||
dang po phyed spong gcig gtang snyoms ||
byed pa'i zhen pas gzhi byed dang ||
'phra zab dngos lta'i zhen pa dang ||
phyogs stong de bzhin phyogs 'dzin pa'i ||
rgyud 'dzin zhen pa bden pa gnyis ||
rigs byed zhen pa'i stong pa can ||
'jig rten ngan song khams su rtse ||
zhi ba phyogs las nges 'byung dang ||
rgyu 'bras rten 'brel 'byung ba'ang ||
phyi pa dag lha gnyis rjes 'brang ||
mtshan med 'od gsal nges zhen pa'i ||
spong len nges 'dzin bdag 'dzin gzhi ||
theg mchog lam gyi stegs gyur kyang ||
rang rang nges pas bsgribs pa min ||
mchog gi gzhung lugs gdeng ma gyur ||

de bas rnal 'byor chen po'i lugs ||
bcu gnyis gcig gi zhen pa dag ||
mi spong gnyis med blang ba med ||
thabs kyi rang bzhin bral mngon byed ||
de bzhin pa yi lugs mchog 'di ||
rgyud dang rnal 'byor gsum rim pa ||
de las kun nas spags pa'i don ||
yang rab rna 'byor blo la gsal ||

de gang zhe na gdod bsams pas ||
dug lnga dngos dang yul shes bcas ||
sems phyir cho 'phrul snang ba la ||
gsum snang zhen pa'i yul med par ||
rgyud drug shes pa rkyen bcas kyis ||
yul med mi dmigs phyir mi mthong ||
mthong shes dbang bcas rang ma mthong ||
de bzhin pa yis lnga nyon mongs ||
rjes 'brangs stobs gyur 'gro lngar smin ||

mi mthun bde sdug myong gyur bzhin ||
lam bral dus dgras bcom pa dang ||
thar med yang dag lam ston dgos ||
de phyir mi gtsang rus spyod dang ||
sab rta thag sprul mtho mi ltar ||
mi bden shes snang phyir rdzun pa'ang ||
mi spong mod kyang bden pa med ||

rang byung ye shes mtha' dbus med ||
mi g.yo rang gsal 'dzin bral la ||
tshad med bzhi dang bsam gtan bzhi ||
rim par so sor bdag rtog cing ||
gzugs rnams kun la bdag rtog pas ||
gsang ba'i bden gsum mnyam ma mthong ||
thams cad mkhyen ldan 'bral ba yis ||
'du shes med lta sho bar ba ||
mnyam pa gsum la mdongs pa yis ||
mi g.yo snyoms 'jug bzhi 'dzin can ||
thal 'gyur ting 'dzin lus zhig na ||
ya nga'i 'bras bu ltung yong phyir ||
dran pa nyams pa'i ting 'dzin te ||
yid brtan bya ba'i yul ma yin ||

rang bzhin 'das dang 'khor ba dag ||
gnyis med lhun grub brjod bsam yul ||
'das dang sngon bzhin ma mthong bas ||
'khrul yul gzhir mthong ltar blo 'khrul ||
g.yang sa mtho dman lam zhugs pas ||
zad par bde sdug myong bar 'gyur ||
'dod pa'i 'bras bu ga la yin ||

de phyir gsum la khyad par med ||
drug gnyis ston pa'i rjes 'brangs pa'i ||
rigs min lta ba bsam yas pa ||
gnyis bsdus rtag dang chad pa dngos ||
log lta'i gtso bo ya nga'i rgyu ||

lnga pa ril po 'byed lta ba'ang ||
snga ma dran pa'i byed lta ba'i ||
rigs bzhi nges 'dod rang blo log ||
de la kha dog dbyibs yod na ||
gzugs su thal bas mang nyung gis ||
'gal dang dran pa skye mi 'gyur ||
rnam smin myong ba ga la rung ||
'on te gzugs kyis shes myong thal ||
des na ril po rdzun par nges ||
byed pos byas pa'ang de bzhin te ||
de kho gal te bden zhe na ||
byed por grub pa su yis byas ||
byed po rdul las 'grub 'gyur ram ||
'on te las kyis byed 'byung zhe'am ||
byed po nyid la byed yod dam ||
rang bzhin nyid kyis 'byung bar 'gyur ||
byed po stes dbang tsam du zad ||
byed la byed yod thugs med skyon ||
rdul na byas 'dra rag lus med ||
las yin kho bo'i 'dod pa med ||
rang bzhin stes dbang byas pa'ang thal ||
tsha rims a bras chod pa'i mig ||
'bag sogs snang ltar ga la bden ||
cis shos nya shing btsos bsregs pas ||
mi skye brlag 'gyur rigs pa yin ||
snga phyi med par bden lta ba'ang ||
mi bden da lta sha 'brug ltar ||
stes dbang snang du btub zhe na ||
snga phyi'ang stes dbang cis mi 'byung ||
de mi 'byung na da lta'ang ||
mi 'byung de min smos ci dgos ||
da ltar de na bdag dang gzhan ||
stes dbang snang ba dus gsum du ||
rgyun brtags med pa zhes pa 'gyur ||
gzugs la rung yang ming bzhis so ||

de ltar bden na rmi lam gyi ||
shes pa'ang nya shing mtshungs brlag 'gyur ||
rmi lam btags ldang zhing rgyun brtag na ||
gzugs phung zhig kyang de 'dra mod ||
'on te da lta yod pa bzhin ||
snga phyi yod pa smos ci dgos ||

rtag chad gnyis kar blo zhen na ||
don gyi snying po mchog las gol ||
rang rig snang stong yul min par ||
rig pa rang gsal bsam brjod 'das ||
de phyir gnyis dang der mi 'dzin ||
de la blang dor phyogs 'dzin med ||
de dag so so zhen yul bcas ||
blos bzhag med a yod brtags pas ||
spong byed chad du byas spong ba'ang ||
lnga yi bye brag mi mthun pa ||
mos pa tha dad phyir gsungs pa ||
bye brag mdo tsam bshad par bya ||
theg pa dang po bcu drug 'gran ||
gnyis pa bzhi yi lta spyod bsrungs ||
gsum pa bcu gnyis nges par bstan ||
bzhi pa bden pa rnam pa gnyis ||
lnga pa gsang ba'ang phyi pa'ang ||
dang po rang rig rnam par dag ||
gnyis pa snga phyi rjes su 'brangs ||
gsum pa dbyings nyid 'od gsal ba'i ||
sa bdun rim par bkod pa yang ||
gsang ba'i snying por 'gro ba'i lam ||
theg pa bzhi sa yis nges 'byung la ||
theg pa gcig gis 'bras bur gnas ||
tha ma'ang bsti gnas mthar thug ste ||
tha ma'ang gtso mchog 'dir bshad do ||

de la spong thabs mi mthun pa ||
'dod dang 'gog spang sbyong sol byed ||
'bras shes btang snyoms dag byed dang ||
phyogs spyod dang len da ro la ||
bdag phyir blang dor med pa yis ||
che bas skas gdang lta bur 'gyur ||
brgyad gnyis bcu spyod theg sogs pa ||
thun mongs lam brjod rnam X dgu ||
srid pa dang po dngos lta ba ||
rnal 'byor g.yeng drug gis bral yang ||
rgyu 'bras shes pas ya nga spong ||
bsti gnas dang po smin par 'dod ||
log rtog nyid la nyid spyod de ||
gzhan du g.yo ba ci yang med ||
bsam gtan snyoms 'jug pa brgyad po ||
'dod spyod sdig sogs spyod pas 'dor ||
dang po'i g.yeng drug bsam pas 'dor ||
'dzin pa phra bas ting nge 'dzin ||
dor ba gnyis mthun dor ba yis ||
sa stegs rtsa gcig thob byed pa'o ||

log lta bzhi po gnyis mthong bas [fol. 375] ||
log pa'i lam zhugs ya nga'i 'bras ||
lam rim dang po dngos 'dzin gzhi ||
'khor ba'i lam bzhi zag bcas 'bras ||
de dag mchog gi gsum la rmongs ||
de phyir ma rtogs log rtogs pa'o ||

spang bgegs byed pa'i byis pa gnyis ||
tshul khrims bslab pas dangs 'gog cing ||
mthong goms shes rab ting 'dzin gyis ||
spong bgegs med smra ting 'dzin lta ||
zab phra'i gzung 'dzin bya ba bar ||
brtag dngos zhag pas bcings pa yi ||
log par rtog pa tsam nyid las ||
phra zhing zab pa'ang yod min te ||
lhag par drug gnyis phyi stong 'dod ||
phyogs stong zhen pas bsgribs pa ste ||
rmi lam rten 'brel gzhi snang bas ||
mi bden rang byung ye shes skal ||
bshed med theg pa'i gzhung gnyis pos ||
rdul dang rten 'brel bzhir 'dod pas ||
phyogs gcig 'das mtha' lam zhugs pas ||
bsti gnas dang po 'bras bu tsam ||
bla na med pa'i theg pa pa ||
bslab pa gsum gyis spang bya dag ||
sol sbyong dag pas thob 'dod pa ||
rnam rig rnal 'byor mdo sde'o ||

dang po rang byung ye shes don ||
mi dmigs phyir na rang sems la ||
rnam pa yod med rtsod pa byed ||
gang ltar rtsod kyang 'khrul pa'i mtha'o ||

'khrul snang yul gyi rnam pa can ||
rang bzhin 'khrul mthong yod ma myong ||
rnam pa med pa'i rang rig pa ||
'od gsal shel ltar dag pa'ang ||
rgyu rtag skad cig mi rtag pas ||
skye 'gag med pa'i ye shes la ||
nam yang reg par mi 'gyur te ||
rnam par 'gog par thug pa'i mtha'o ||

rnam dag ye shes rnam bral ba ||
sems can rgyud re de yin te ||
rgyud 'dzin yul med gzung 'dzin can ||
g.yo med rtsod pa 'khrul par zad ||
byis pa mkha' la rtsod dang mtshungs ||
rnam pa yod med kun bdag skal ||
shes rgyud bzhi la rtsol ba'i lam ||

[375v] de dang thun mong sangs rgyas de'i 'bras bur ||
byed kyi lhag pa'i gsum ma mthong ||
dam pa'i shes pa'ang brdzun pa'o ||

rnal 'byor spyod pa'ang de 'dra'i phyir ||
snga ma'i dam pa rgyu rkyen la ||
rang lus zhig dang skyes dang skyes ||
de bas brdzun lta dam par ni ||
thams cad sems te de ma dmigs ||
ma skyes stong pa smra bsam 'das ||
mtha' la dben pa'i don du lta ||
rnam pa yod med rtsod dang bral ||
shes pa ma skyes phyogs lta ba ||
mtha' dang bral ba thug pa'i mtha' ||
skye med phyogs gcig mtha' dang bral ||
de kho mchog lta'i zhen pa can ||
gnyis med dbyer med ma mthong bas ||
sems stong bzhi pa dka' spyod lam ||
'bras bu sngon bzhin 'das pa'i mtha' ||
grub mtha' nor rtog shes rab kyis ||
'bad pas brtan thob de yi phyir ||
de mi bden pas de mi bden ||
mdo sde pa yi gzhung lugs kyang ||
kun brtags snang ba'i spyod yul 'di ||
dam pa gzhan dbang sgyu ma tsam ||
shes snang ma yin 'du snang yin ||
dam par skye med smra bsam 'das ||
rten 'brel gcig dang du ma med ||
rdo rje gzegs ma rnam bzhi dang ||
mu bzhi skye 'gag la sogs pas ||
mtha' yas bye brag sel byed cing ||
de 'dra bsam gtan 'das chen cing ||
snang ba yod dang med pa dang ||
rig pas 'grub dang ma grub sogs ||
de dag la rtsod mtha' tshol ba ||
snyed nas nges 'jog gzung 'dzin can ||
bden gnyis ngo bo gcig mi gcig ||
rtsod cing gcig la bden dang rdzun ||
rigs lta cha shas zhen pa can ||
gcig na rdun mthong bden thal 'gyur ||
yang na bden mthong brdzun par 'gyur ||
brdzun zhen bden par bslu sogs lngar ||
thal 'gyur bden bzhin brdzun pa'ang ||
skye 'gag med sogs bzhin thal 'gyur ||

yang na mnyam gzhag tshe na'ang ||
bden gnyis dus gcig mthong bar rigs ||
bden brdzun phan tshun spangs pas 'gal ||
tha dad gyur na sgyu ma la [f. 376] ||
brten nas don dam mi rtogs shing ||
sgyu mar 'bad pas 'ang tshi tshad 'gyur ||

dam pa btsal ba'i gnas med cing ||
'grel ba med pas mi 'gyur ||
gang ma skyes pa'ang ||
skye ba med par 'grub mi 'gyur ||
zhen spong gnyen po mi btub cing ||
de nyid rang rgyud can gyur pas ||
gang la phan gnod med 'gyur ro ||

de ltar rtog cing the tshom za ||
khas blangs med sgra phyogs la zhen ||
de bas bla med theg pa pa ||
don dam du ni dbyer med de ||
kun rdzob tsam du thams cad la ||
dag dang ma dag gnyis kar 'dzin ||

thabs kyi theg pa chen po ni ||
don dam du ni kor bdun no ||
kun rdzob tu ni mnyam rdzogs so ||

rnam par byang dang sdug bsngal dag ||
kun rdzob tu'ang dbye rigs te ||
lta ba mtho dman de tsam mo ||

de nyid 'bras bu'i mtshan nyid la ||
don dam ngo bo nyid kyi rgyu ||
lhag pa'i bden par mtshan brjod do ||

cir yang snang ba'i ye shes nyid ||
mtshan mar ma 'gag cir yang snang ||
ngo bo ma nges don mdzad dang ||
rtag pa gnyis las ring ba dang ||
rnal 'byor dam pa'i yul mthun dang ||
snang la skye 'gag med pa'i phyir ||
lhag pa'i kun rdzob zhes su grags ||

thams cad kun gyi rang bzhin pas ||
ye shes snang ba'ang rgyu rkyen med ||
skye 'jig med do lnga 'bras bu ||
dbyings dang ye shes rdzogs mi dmigs ||
phyogs med re skong 'phrin las ni ||
kun nas mtshams pas don mdzad de ||
ched du byas pa'i rtag pa'ang bral ||
rang bzhin mtshan nyid ngo bo dang ||
yon tan 'phrin las rtogs pas dben ||
chos drug ldan phyir lhag par bsgrags ||

de bzhin rang bzhin 'bras bu dang ||
ye shes gsum phyir don dam pa'ang ||
shes don nang nas mchog gyur pas ||
don gyi ming du 'grub pa yin ||

de'ang ma skyes dbyings kyi don ||
gzhi yis nges pa khyad gyur pa ||
log rtog spyod yul las sogs pa [376v] ||
kun gyi rang bzhin phyogs bkol med ||
ngo bo bdun rdzogs dmigs pa med ||
mtshan nyid kun grol kun bdag la ||
phyogs stong chad par yod pa med ||

kun byin ldan pa'i rlabs snang la ||
dngos po gnyis kyi ngo bo'i rgyur ||
gyur bas ci yang mi 'gog ste ||
rgya mtsho'i chu dang rlabs bzhin no ||
yid bzhin nor bu ltar re skong ba'o ||
yon tan kun rdzogs phyir snang ba'o ||

thun mong dam pa'i yul min te ||
dpe dang gtan tshigs thun mong bas ||
gtan la 'bebs pa ma yin te ||
bdun sogs ngo bor gnas pa'i phyir ||
lhag pa'ang grangs mthun nyid du brjod ||
rnal sogs spyod yul ma yin no ||

gzhi rtsa med pa'i sems nyid ni ||
pho mo ma yin ma ning min ||
mtshan med ma yin rig rgyud med ||
kha dog ma yin dbyibs ma yin ||

gnas su ma yin gang yang med ||
de bzhin nyi dbyings ye shes te ||
thabs kyi phyag rgya kun gyi rgyu ||
phyogs bcu ma lus thams cad la ||
rang byung chen pos kun tu khyab ||
rang byung de nyid dngos med pas ||
chos dang gang zag bdag med pa ||
kun gyi phyag rgya'i rgyu yin no ||
ma skyes bzhi la bgrod pa'i lam ||
gang spangs gang thob de'i 'bras bu ||
dngos po ji bzhin mi mthong bas ||
'bras bu btags pa'i sangs rgyas tsam ||
de ltar nges 'byung bye brag gi ||
rgyud mas nges pa'i gsang ba'ang ||
dang po rgyu 'bras dbye byed pas ||
'bras bu lam du byed ce'ang ||
phyogs gcig dag pa'i chos nyid la ||
lta zhing de las lha drug sogs ||
dmigs pa gsum dang yan lag gis ||
sgom byed 'bras bu gzung 'dzin can ||
lta spyod ya cha'i zhen pa yis ||
bdag nyid chen po nad mi mthong ||
dag pa'i sems zhi rtsol ba'i lam ||
rdo rje gsum gyi sa 'dzin pa ||
rmus long 'dri mkhan dang mtshungs te ||
rnal 'byor chen po'i thugs rje'i yul ||
gnyi ga ba yi bya ba dang / [f. 377] ||
rnal 'byor rjes su lta spyod 'brang ||
gnyis po ya cha sngon bzhin te ||
de nyid bzhi yi zhen par na ||
de'ang phyi rol pa la gnas ||
rnal 'byor ting 'dzin zhen pa can ||
dam par rang rig 'od gsal pa ||
dbyings nyid rnam dag ye shes la ||
kun rdzob byin brlabs dkyil 'khor dag ||
ye shes snang smra de la dmigs ||
de phyir lta dgongs phyi rol 'gyur ||
de rtogs khas len gtsang smrar len ||
chu yi ral gri phyis pa bzhin ||
spyod par mi phod 'dzin pa can ||
de nyid sgo nas phyi rol spyod ||
shin tu nang don ma gtogs pas ||
phyi rol cha yis bcings pa yin ||
'od gsal bzhi las mtshan mar g.yo ||
snang stong res slob lam lnga yis ||
thob pa dam pa'ang bsti ba'i gnas ||
phyi rol gnyis sogs 'bras bu'i phyir ||
mching bu rin chen ji lta bar ||
lam 'bras ma 'brel 'khrul par zad ||
gtso mchog bshad par khas blangs pa ||
rgyas par gdams kyi gdeng du bgyis ||
rnal 'byor chen po lta ba'i don ||
yod las btsal na sgros btags te ||
med las btsal na skur btab 'gyur ||
yod med gnyis las btsal byas na ||
de ni lung du ma bstan 'gyur ||
de la gzhan yang 'brel med pas ||
nam yang rnyed par mi 'gyur te ||
mtha' la rtsod kun de lta bas ||
gsum bral phyogs gcig mtha' bral ba ||
rang blo 'khrul pa snang ba yin ||
de bas mthar thug ltos yod pa ||
kun kyang mtha' yis bral ba'ang mtha' ||
yin phyir nges pa'i blo mi bzhag ||
gnyis med smras bsam bral ba ltos ||
tshig dang sgra mthun tha dad pa ||
lta spyod log par drangs thabs su ||
gsung phyir rdo rje theg chen po ||
sgra gcig don gyi khyad par rtogs ||

dang po chos kun gnas bubs nyid ||
dang por mtshan cing dngos bzlog dang ||
gnyis par yang dag bden bral don [377v] ||
mtshon phyir ma skyes de bzhin nyid ||
stong pa nyid dang snang ba med ||
gnyis su med dang mnyam pa nyid ||
ci'ang min dang smra bsam 'das ||
mi gnas mi dmigs mi rtog dang ||
mtha' bral rnam par dag pa dang ||
mtshan med smon pa med pa dang ||
chos nyid chos kyi dbyings nyid dang ||
spros bral 'gro 'ong med pa dang ||
snang dang 'gag med thob pa med ||
grol dang thar dang thob pa dang ||
kun rdzob don dam bden pa dang ||
ma chags pa dang rang bzhin dang ||
dngos med zhen med rig pa dang ||
bdag med gzhan med spyod yul med ||
lta ba rig pa ye shes sogs ||
mtshon pa'i sgra grag chos rnams kyi ||
rang rang don rnams tha dad pa ||
khyad par ma 'dres gsal bya'i phyir ||
rig pas mdo tsam phyogs brjod pa ||
dang po rgyun gyis log rtog chos ||
bkag bsal la phyogs gcig ma skyes dang ||
dri mar ma skyes mtshan mar min ||
ched du byas pa ma skyes rnams ||
skyes spong ma skyes 'dod pa yis ||
srin bu bal bzhin bcings par zad ||
ji snyed tha dad chos rnams kun ||
gnyis med blang dor med pa yis ||
ltag pa ma go don mchog ni ||
skyes pa nyid na skye ba med ||
dbyings phyogs ma skyes de bzhin nyid ||
rig pa nyid dang yod ye shes 'dod ||
blang dor med pa'i de bzhin nyid ||
gnyis med ma byas ma bcos pa ||
smra bsam 'das pa'i gtso mtsho skyes ||
de bzhin stong nyid zhen pa'ang ||
phyogs stong gsal stong la sogs las ||
rnam pa'i mchog ldan stong chen po ||
yod pa nyid ni stong pa nyid ||
yod dang med dbus smra bsam 'das ||
ngo bo rang bzhin mtshan nyid dang ||
byin rlabs la sogs khyad par 'phags ||
snang ba med ces brjod pa yang ||
ma rtogs pa dang log par rtogs ||
snang la med lta bus pa med ||
phyogs gcig snang med phyogs ris med ||
brdzun pa gsal ba snang med dang [f. 378] ||
snang ba dri ma med pa dang ||
mtshan snang med pa la sogs pa ||
ched byas snang rtags kun par zad ||
sna tshogs snang ba dang bcas pa'i ||
snang ba med pa'i mchog 'di ni ||
snang ba yang med dbyer med pas ||
'di ltar snang zhes bsam du med ||
gnyis su med par bstan pa yang ||
phyogs stong gnyis med yul sems med ||
phyogs gcig bral ba'i gnyis med pa ||
de kun gnyis pa'i gtso mchog go ||

don dam 'dod pa yod phyir ro ||
rgyu 'bras gnyis su med pa yang ||
bya ba rnal 'byor don dam par ||
gnyis med dang du len pa'ang ||
res 'jog ltos pa'i phyogs gcig pa'o ||
gnyis par grags pa'i chos so cog ||
ldan bzhin gnyis su med pa yis ||
lhun grub blang dor med pa dang ||
gzugs brnyan nor bus mtshon pa'o ||

tshe phyir mnyam nyid gsungs pa dang ||
'dra ba'i mnyam pa mi mnyam chos ||
mi mnyam bral ba'i phyogs mnyam ni ||
mnyam pa'i mtha' la gnas pas log ||

gsang chen mnyam pa chen po ni ||
mi mnyam chos kun bdag nyid la ||
mnyam dang mi mnyam cha shas med ||
mnyam pa kun gyi yang rtse yin ||
gzhan sel don du gnyer pa'i phyir ||
ci'ang min par bka' stsal pa'ang ||
rig pas ma yin shes pa la ||
yin par snang la skyon lta bar ||
mtha' sel phyogs gcig ma yin dang ||
dmigs pa ma yin kun kyang mtha' ||
blang dor med sogs mi gsum ldan ||
ci'ang min zhes brjod pa'ang ||
ci'ang yin pa'i dngos gzhi can ||
yin min dbyer med cha shas bral ||
phyogs su thug pa 'di la med ||
rma bya'i mdongs rtse kha dog 'dra ||
dgos ched sngon bzhin smra bsam 'das ||
bden pa phyogs gcig de bzhin pa ||
mkhur bar chu blugs bzhin 'dod la ||
phyogs chos smra bsam yul las 'das ||
rtog ge'i yul du nga smra'o ||

mi gsum ldan pa'i don mchog ni ||
smra bsam kun dngos smra bsam dka' [378v] ||
blo ngan yul du ma gyur las ||
nam mkha' 'di zhes dka' dang 'dra ||
log rtog phyogs rigs rnal 'byor dang ||
phyogs gsal mi gnas rten pa can ||
phyi pa'ang 'dzin pa'i gzhi can ||
gnas pa'i gtso bor bdag gis brjod ||
blang ned dor med mi gnas pa ||
bsgom bya sems phyir rten bral ba ||
gnas dang mi gnas spong len med ||
ci la'ang yid rten mi 'cha' bas ||
mi gnas nyid la gnas mi byed ||

rten dang rten can med pa ni ||
mi gnas chen po mchog yin te ||
nam mkha' lta bu rten dang bral ||
gang gi mi dmigs shes brjod pa'ang ||
log dang 'jig rten ting 'dzin dang ||
'gog gnyis phyogs gcig la gnas dang ||
dbu ma pa dag mi dmigs gsum ||
'dod las gsel ba'i dmigs pa can ||
phyogs gcig rten med dmigs pa'o ||
dmigs pa kun bdag mi dmigs la ||
mtshon chen can du de brjod kyang ||
mi dmigs 'dod pa'i chags pa med ||
dmigs spo zhe sdang phrang dog med ||
gnyis su med par mi dmigs la ||
mkha' la 'di zhes dmigs bral 'dra'o ||

rnam par mi rtob brjod pa'ang ||
'jig rten zhen pa'i rnam mi rtog ||
log par sgom pa mi rtog dang ||
byis pa dgag sgrub mi rtog gnyis ||
phyogs 'dzin gsal ba mi rtog pa ||
rnam dag gsal ba mi rtog rnams ||
bzhi la rtog pa med smra zhing ||
mi rtog mi mthun bgegs lta bas ||
dgag sgrub blang dor byed pa de ||
nges mchog bzhi yi rtog pa can ||
thabs chen rnam par mi rtog pa ||
rtogs tshogs ming tsam ye shes phyir ||
rtog pa nyid nas ma skyes pas ||
skyes brda'i 'du shes dbye ba med ||
dgag dang sgrub med mi rtog pa ||
mi rtog nyid du'ang rtog med pas ||
me long nang la rtog med bzhin ||
grol rtogs bya phyir mtha' bral ba ||
mtha' zhes thub par grags pa rnams ||
log pa'i mtha' gnyis bral gzugs med ||
skye 'gag cha shas bral ba dang ||
rang rig mtha' brgyad bzhi gnyis bral [f. 379] ||
mtha' la skyon du rtog byed cing ||
mtha' bral yon tan len byed pa ||
ltos pas thub pa yod pa'i phyir ||
mtha' bral nyid kyang mtha' yi gtso ||
kun rdzob shes yul byed pas 'khrul ||
yang dag mtha' bral shes pa'ang ||
mtha' brgyad la sogs grags pa rnams ||
rang rig ye shes snang ba'i phyir ||
spros pa thugs rje'i dus nyid na ||
ming tsam der red med pa'i phyir ||
mtha' dang bral ba gnyis su med ||
sman zhes bya ba'i ga bur dus || [ga pur]
grang ba'i dug dang gnyis med ltar ||
bral rjes brjod pa de kho na ||
thug pa'i mtha' dang dbyer med la ||
gang du'ang thug pa med pa'i phyir ||
mtha' bral bla mar bshad pa yin ||
rnal 'byor dag pa sbyang bya dag ||
mthong sgom lam gyi spang bya zhing
sngags dang phyag rgya sbyor rim dag ||
dag 'dod dri med chags pas bcings ||
thug pa'i rnam dag zhen pa can ||
rang rang kun tu btags pas non ||
'og mas smad pa'i dri ma rnams ||
dri ma nyid na rnam dag cing ||
blang dor gnyis su med pa la ||
dag dang ma dag ris med pas ||
theg pa kun gyi yang kye ste ||
'dam skyes padma ji bzhin no ||

mtshan ma med pa'i rim pa yang ||
grags pa'i mtshan med 'dod pa yis ||
spang dang spel bas phyogs gcig pa ||
'du shes yul la skyon lta zhing ||
de med pa la mchog gzhol byed ||
'dod dang zhen pa'i gzung 'dzin can ||
phyi yi bya ba rnal 'byor kyang ||
de phyogs mthun mtshan phyir na brdzun ||
mchog gi mtshan ma med ces pa ||
'du shes kun bdag rang rig phyir ||
yul med de la 'dzin pa med ||

de nas phyogs kyi mtshan 'dzin bral ||
de bzhin smon pa med pa yang ||
blo chung ltos pa'i smon byed dang ||
bsal dang len dang smon med gsum ||
'dod pas zhen pa smon pa yin ||
smon pa kun rdzogs rang rig nyid ||
lam dang 'bras bu dngos gzhi'i phyir || [379v]
'phrul dga'i longs spyod tshul bzhin du ||
gzhan du re smon skye ba med ||
chos nyid dbyings zhes brjod pa'ang ||
spyod yul 'di dag med stong zhing ||
gsal bral stong pa'i chos dbyings dang ||
rang rig dag pa'i chos nyid dang ||
mtshan nyid med pa'i dbyings sogs pas ||
zhen yul chos can mtha' las ril ||
stong nyid mu mtha' med sogs smra ||
rang rig rtags mthong dbyings shes bya ||
gsang sngags chen po'i chos nyid dbyings ||
chos can ma gol dmigs pa'ang med ||
byar med byas med bslad pa'ang med ||
'di dang 'di zhe ris med pa ||
chos nyid dam pa de kho na'o ||

kun 'byung mu med brda khyab med ||
gang yang ma spangs bkol ba med ||
phyogs tshad med de blos rig med ||
de phyir gsang ba'i dbyings zhes bya ||
rnam mrangs chos de nam mkha' dang ||
mthu yong phyir na nyer sbyar ba'o ||

spros bral shes par bya ba'ang ||
log rtog zhe na spros pa rnams ||
skyon shes sel ba'i phyogs gcig pa ||
phyogs gcig spros pa'i mtha' thub bcings ||
rang rig ye shes spros pa'ang ||
spong len byed na spros pa'i mtha' ||
thig le kun nas bzlum pa ltar ||
spros pa lhun 'grub spros bral ni ||
ji snyed spros pa sems nyid phyir ||
rgyu 'dzin med pa'i byang chub sems ||
ming lnga ldan pa'i ye shes ni ||
de nyid chos dbyings rang byung ste ||
mi gnas shes pa lhun 'grub pa ||
de kho de bzhin nyid dam pa'o ||
yul dang ngo bos spros med phyir ||
spros bral kyi gyi blor 'gyur yin ||
'gro dang 'ong ba med pa 'di ||
zhen log 'gro 'ong dam par med ||
thun mong phyogs gcig 'gro 'ong med ||
dag dang 'od gsal 'gro 'ong med ||
'gro 'ong phyogs la smod byed cing ||
'gro 'ong med phyos rjes 'brangs pa ||
shes bya shes byed ya cha ba ||
dam pa'i lam du gang la 'gyur ||
'gro 'ong kun dang gnyis med pa'i [380] ||
'gro 'ong med pa chen po'o ||

'gro 'ong nyid na med pa'i phyir ||
'ong dang mi 'ong yod med med ||
rgya mtshor 'brel ba'i 'bab chu bzhin ||
yod med mtha' yi X pa med ||
rtag pa 'khrul snang log snang dang ||
phra rab stod 'khrul rnam snang dang ||
sgyu snang ltar snang rim pa dag ||
yod snang la sogs 'dus snang dang ||
bdag rig rang bzhin rkyen bslangs pas ||
lhag snang 'dod pas 'khrul mthong yin ||
snang med snang ba kun bdag nyid ||
rang rig ye shes cho 'phrul ni ||
rgya mtsho chu dang rlabs bzhin du ||
byang chub sems nyid kun tu shar ||
'gag pa med pa'i bye brag ni ||
med na mi 'gyur 'gag med dag ||
blo bur tsam snang mi 'gog dang ||
'bras bu rdo rje'i 'gag med gnyis ||
'gag spong de dang bral 'dod na ||
'gag med mtha' la zhen par zad ||
gnyis med 'gag pa med pa ni ||
rang byung ye shes rang snang phyir ||
'gag pa nyid na 'gag med pas ||
nam mkha' lta bur skye 'jig med ||
'dod pa zhen pa thob pa dang ||
spangs thob sbyangs thob bgrod pa dang ||
bdag yin las rung thob pa dag ||
'dod pas spangs thob phyir na rdzun ||
thob pa med pa'i thob pa ni ||
mtshan ldan long ba mig phyed bzhin ||
thabs la rten pa'i shes rab nyid ||
'bras bus X shar bar zad ||
gzhi tsam nyid la spang thob med ||
ched du phyed pa'i thob med gnyis ||
lan cing chags pa yod pa'i phyir ||
thog med zhen pa lcags sgrog can ||
bdag nyid chen po thob med ni ||
'bras bu kun bdag rang rig la ||
gnyis phyir thob bya'i chos med de ||
dbul mo gter dang phrad nor bzhin ||
byed pos bgrol dang skag grol dang ||
sbyangs pa grol ba phyogs gcig pa ||
thun mong min pa'i bltas grol ba ||
'ching grol gnyis su bltas pas bcings [380v] ||
bdag nyid chen por dbyer med pa ||
sus kyang ma bcings bcings med de ||
bcings par bya ba med gnyis grol ||
mkha' la 'dud med ji lta bu'o ||

ma rig nyon mongs las sdug bsngal ||
chu bo bzhi las thar pa'ang ||
shin tu ring dang rgyud pa dang ||
bkag spangs gsal bas thar pa dang ||
zil gnon sbyor bas thar 'dod pa ||
'dod pa'i rgya mtshor chud pa'i phyir ||
rtsol ba'i chu rgyun phyog cha khyer ||
mchog dang ring ba'i log lta can ||
chu bo bzhi nyid lam 'bras phyir ||
thabs dang shes rab las nyid kyi ||
chu bo nyid la rol spyod pas ||
brgal ba med par rnam par thar ||
chu la nya chen 'phyo ba'am ||
sman sngags ldan pa'i dug nad 'dra'o ||

log pa'i kun rdzob rnam gnyis dang ||
'khrul pa gzhan dbang kun rdzob rnams ||
rig pa bzhis bcu bden lta ba'ang ||
yon tan rlabs 'byung lnga yi 'khor ||
tshul mthun rig pas 'bras bur lta ||
lhag pa kun rdzob don dam gnyis ||
bshad pa bzhin du shes par bya ||

thun mong don dam bye brag kyang ||
bshad pa cha yis shes par bya ||
rgya mtsho dangs par gza' skar bzhin ||
bden gnyis snang stong dbyer med pa ||
phyogs blta'i mthar thug med pa ni ||
de ka rang bzhin rgyud nyid do ||

zhen pa'i yul la ma chags pa'ang ||
tshim dang snying po bar chad sogs ||
chags med 'khrul dang log pa dang ||
bkag spangs phyogs gcig chags pa dang ||
bzlog dang gtang snyoms chags med dang ||
bzhi po chags med chags pas bcings ||
chags med blang dor med pa ni ||
chags pa nyid na chags med pas ||
thabs dang shes rab gdeng ldan pas ||
padma la ni de bzhin no ||

kun brtags rang bzhin chos rnams ni ||
rgyud spangs phyogs gcig rang bzhin med ||
phyogs gcig mtha' yi rang bzhin dang [371] ||
chos nyid mtshan nyid la sogs pa ||
rang bzhin yod 'dor med bsgrub phyir ||
spong len mthar gyur rang bzhin can ||
nam mkha' dangs pa'i dus nyid dang ||
'ja' sprin tshogs kyi rang bzhin lta ||
brtags pa'i rang bzhin thams cad pa ||
de nyid snang phyir gnyis med pa'o ||

de bzhin dngos po med pa dang ||
zhen pa med cing grags pa rnams ||
ye med snga la gcig med gcig la gcig ||
med dang zhig med 'dod lta ba ||
gzhi la gnyis pa med 'dod pa ||
mi srid gzhi yi dpes mtshon par ||
'dod pa snang ris mi mthun par ||
lta ba sngon bzhin rgyu rim bzhin ||
de nyid 'bras lta'i rim pa gnyis ||
drug po 'das pa'i mthar zhen cing ||
phyogs gcig gzhi la gang lta ba ||
sna tshogs snang ba'i gzhi mi rung ||
de des mar me gsal dus na ||
mun pa ma sang sgrol med de ||
gsal nyid gnyis su med par lta ||
dngos zhen ma rig ye shes pa ||
spangs dang mi gnas 'gal ba med ||
yid bzhin nor bu'i yon tan ltar ||
dngos gnyis lhun grub cir yang snang ||
chos kun gzhi zhes de phyir bya'o ||

rdzun la sogs pa'i rig pa ni ||
rgyu yi gzhi 'dod bden lta ba ||
phyogs gcig yin gyi nges 'jog X ||
'byung ba'i gzhi rtsar the tshom med ||
thams cad ye nas dbyer med la ||
rig dang ma rig blang dor med ||
gnyis med ston pa'i lung man ngag ||
rig pas 'tsham pa go 'byed pa ||
dpa' bo'i lag cha ji bzhin du ||
rnam grangs kun kyang rtogs pa'i thabs ||
rig pa med kyang thabs kyi mchog ||
yin min chos la rtsod mi byed ||
chos dang gang zag bdag med pa ||
dngos lta'i bdag med nyan thos pas ||
phyogs tsam stong pa'i chos bdag med ||
rgyun snang don 'gog bdag med dang ||
gsal ba phyogs gcig bdag med dang ||
rig snang bdag med ye shes snang ||
gsum gnyis spong len byed pa'i phyir ||
bdag tu 'din pa'i gtso bo yin ||
phyogs bcu rang byung ye shes la [381v] ||
rang byung 'di 'dra'i dngos med pas ||
chos dang gang zag yod ma yin ||
la lar nyi ma'ang mun rkyen ltar ||
bdag med ye shes bdag kun ldan ||
gnyis med bdag med bdag nyid che ||
med mthar thug pa 'di la med ||
gzhan med spyod yul med pa yang ||
phra bas gzhan pa'i yor po med ||
zab pas rtags pa'i dpyod byed med ||
gzhan pa stong pas med pa dang ||
'khrul pas med pa'i rdzun pas med ||
rig phyir med dang ye shes phyir ||
gzhan med pa'ang de bzhin no ||

de bral 'dod phyir lcags kyi dkris ||
sngon bzhin thams cad ye shes la ||
ngo bo gcig phyir cha shas med ||
gcig mtha' med pas kun tu shar ||
gnyis su med pas phung gsum med ||
de la smras bsam med pa'i phyir ||
gzung 'dzin lcags kyis bsdoms pa med ||
lha rig gnyis kyi sngon brjod pa ||
'dod pa tha dad yul mthong ba'o ||

shes rab spyan gyi ngo bo ste ||
khyad par bshad pa nyid du zad ||
mthong ba'i lam du gcig smra ba'ang ||
bshes gnyen rkyen phrad sngags mthong gi ||
de med rang gi mngon shes kyis ||
mthong na bcu pa'ang thob par rigs ||
lta ba'i sgrib pas phye ba'i phyir ||
las dang 'bras bu'i khyad par che'o ||

sgyu 'phrul dra ba'i ye shes la ||
bcu drug gnyis su 'dod pa dang ||
bzhi dang gnyis su gnas 'gyur 'dod ||
rig pa bzhi dang lngar 'dod pa ||
rang rang rtogs pa'i don mthong phyir ||
mun pa'i rab mchog yin zhes brjod ||
brgyad drug tshogs bzhi snang bcas pa ||
dpyod yul dngos po snang ngo cog ||
rig pas dbang bsgyur bzhin snang dang ||
so so'i ji ltar brtags snang dang ||
ngo bos nges par red med phyir ||
sems nyid 'ba' zhig snang ba yang ||
'khrul dus rang bzhin ma 'khrul dang ||
so so shes pa brgyad chos phyir ||
ming gsum ldan pa'i shes gcig ste ||
gcig dang du ma kun dngos pas ||
ye shes kun gyi bdag nyid pa [382] ||
cha yi lnga dang brgyad brjod pa ||
rtsa ba rang byung ye shes so ||

ye nas shes pa'i bdag nyid pas ||
me long blta ba'i tshul bzhin du ||
snang stong chos su grags pa kun ||
kha dog da phyibs sogs rang snang ba'o ||

rtag chad phyin ci log pa'i grangs ||
dngo dang ther zug skad cig rgyun ||
mi nyams ngo bo nyid rtag pa ||
tha ma theg mchog bzhed kun dang ||
zhig med ye nas chad pa dang ||
rkyen gyi rang chad la sogs pa ||
med bzhin sngon bzhin gsungs pa yang ||
ched du byas pa'i rtag snang zad ||
sum cu brgyad sogs mtha' rnams la ||
spong len bral 'dod zhen chags can ||
bdag med smra ba'i blang dor mkhan ||
blang dor mtha' la mkhan po gnas ||
mchog 'dir mtha' yi grangs de'ang ||
'du shes bzlog phyir brjod pa las ||
de dag nyid du 'dod pa med ||
sems phyir mi spong rkun bu yang ||
so so phyogs kyi ma reg pas ||
sgyu 'phrul dra ba'i ngo bo la ||
thams cad dag ces bya ba yang ||
dngos po bsal dag ma yin te ||
snang sbyong (spyod?) nyid na rnam par dag ||
de phyir lhag pa zhes su brjod ||

rang bzhin sgyu 'phrul dra ba'i don ||
sangs rgyas sems can thams cad kun ||
ngo bo gcig pa'i de kho na ||
de ni gcig gi mthar thug 'gyur ||
cir yang snang ba'i ye shes nyid ||
bcos med nges pa'i de kho na ||
lhag pa'i ye shes sgyu ma de ||
byas 'gro med par ci yang 'khrul ||
nam mkha'i cho 'phrul mtsho rlabs bzhin ||
snang ba'i dus na snang med de ||
dbyer med pa la rim mi phyed ||
de phyir gcig ces mtshon thabs brjod ||
de kho 'dra ba'i mchog yin no ||

tha dad spong ba'i gcig 'dod pa ||
gcig gi mtha' la zhen pas nor ||
dag pa'i 'og tu gcig pa las ||
ma dag glo bur snang 'dod pa ||
sa bon med pa'i 'bras 'dod pa ||
sab rta mtho mi thug sbrul ltar ||
smig rgyu chu zla ltar med pas ||
snang zhes rig pas bsgrub pa pa yang ||
'khrul te de na ri bong rwa'ang ||
'byung ba nyid du the tshom med ||
gzhi la 'dra 'khrul chos yod phyir ||
'di 'dra 'khrul pa'i chos med ltar ||

lhun 'grub dbyer med ngang la snang ||

'khor 'das snang yang grub pa med ||
yod pa sun 'byin chos 'di la ||
med par smra ba byis pa'i blo ||
med par sun 'byin chos dag la ||
yod lta yin zhes smra ba'ang log ||
dbus 'dzin sun 'byin chos dag la ||
gcig tu lta bur byed pa'ang 'khrul ||
mtha' bral 'dzin pa sun 'byin pa ||
dri mas 'gos 'dra nor ba'i mig ||
kun gyi 'byung gnas byed pa'o ||

de yis ma byas gang yang med ||
kha dog dbyibs rigs kun dngos dang ||
kha dog dbyibs rigs gang yang min ||
shin tu brtag dka' sus mi rig ||
rig med ngang la thams cad snang ||
byang chub sems zhes brjod pa ni ||
skad cig kun dngos rgyud med phyir ||
gang nas ma 'ong gar mi 'gro ||
rtog med rang rig kho na'o ||

shes byar gyur pa'i chos so cog ||
rig pa ye nas rang gsal phyir ||
rang rig shes bya dmigs skye med ||
dngos yul tsam yang 'dod ma yin ||
byang chub sems kyi thig le ni ||
kun la khyab cing mi gnas pa ||
kha dog gnas dbyibs ris yod min ||
yon tan mchog gi snying po ni ||
rtog ge'i spyod yul de ma yin ||
mnyam pa'i don nyid ji lta bu ||
mnyam nyid rang bzhin gang yang min ||
gnyis phyir min zhes brjod pa las ||
phyogs gcig min pa smra brjod 'das ||
zhen pa bzlog phyir rkyen bshad ma rtogs pa ||
chos kyi ngang la tshig med brjod med pa'ang ||
spangs bsal med phyogs log gsum blta ba ste ||
rang bzhin ngo bo mtshan nyid mchog las gol ba ni ||
'og mas spangs pa'i log rtog grangs ||
mtha' yas mi spong rang rig phyir ||
len pa'i chos rnams blang du med ||
blang dor med pa'i don mchog ni [383] ||
zhen bral mtha' 'das 'ching grol sogs ||
blang bya kun gyi mchog yin te ||
de nyid bdag yin bla med pa ||
nyams su blang ba'i thabs mchog yin ||
sus kyang ma bcings bcings med de ||
bcings par bya ba yod ma yin ||
bcings med rnam par grol med pa'i ||
ye nas lhun rdzogs sangs rgyas chos ||
yid bzhin nor bu'i yon tan ltar ||
bden gsum don kyang de ltar snang ||
don du bden dang mi bden zhes ||
gnyis pa'i rtog pa rang gis med ||
de mthong shes rab mchog gi spyan ||
dmigs pa'i yul gyis blta 'dod pa ||
gzung 'dzin lam du zhugs pa'i phyir ||
nam yang lhag pa'i don mi mthong ||
rtog pa'i yid dang rdo rje'i yid ||
sba ma mi spong mi len te ||
de sogs brgyad po'i rigs med phyir ||
brgyad bzhi'i tshogs rnams gcig yin te ||
rang rig chogs gcig dbang drug mchog ||
so so'i rgyud du dbyer med de ||
brtags pas tha snyad snang dus na ||
ngo bo gcig pa rdo rje yin ||
yul med rang gsal shes rab spyan ||
shes pa spyod yul gnyis sa med ||
shes dang shes par bya med pa'i ||
ye shes sgron me spar bar ni ||
rgyu med rgyun tu rang shar bas ||
phyogs bcu'i zhing khams thams cad mthong ||
thams cad mkhyen pa'i shes rab can ||
go tshim myong rag rig sogs chos ||
ming grangs drug bzhi gnyis su grangs ||
de ltar nges pa'i lta ba la ||
zhen pa'i lam du 'gro sa med ||
'jug pa'i dus na gcig po nyid ||
nges par rang gsal mi g.yo la ||
rtog ge pa dag de lta na ||
bogs dang yon tan dgag 'gyur zhes ||
som nyis za gzhi'i yul min pas ||
gnyis su bslabs pa gces par bya ||

de bzhin gshegs pa'i spyod yul te ||
blo rtsol rab kyis rtogs 'gyur cing ||
brjod bzhin shes pa nges skye phyir ||
zab brjod zab mor nges par skye [383v] ||
zab mo'i tshe na blo can gyis ||
rang gi mtshan nyid mngon rtogs phyir ||
'dod pa med par zhor bogs sogs ||
'byung ba nyid na g.yos pa med ||
rnal 'byor thabs dang shes rab lam ||
rim par mngon byas stobs 'gyur na ||
dpag bsam shing dang rin chen ltar ||
ngo mtshar rmad 'byung 'bras bu lnga ||
gzhan nas yod 'ong ma yin te ||
thabs la brten na shes rab nyid ||
de lta bu yi ngang du 'byung ||
yang dag rdzogs sangs rgyas shes bya ||
rigs 'dzin gsum pa'i gang de nyid ||
srid pa tha ma mdzad sdogs pas ||
nga yi dbang bskur mngon sangs rgyas ||
rdo rje 'dzin par the tshom med ||
skal pa snod shes dad brtson shes ||
mchog rnams kun gyis rtog bya bgyis ||
de bzlog yul min sgro skur la ||
ming tsam don phyir bstan mi bya ||
bskal mun nang gi rin chen nor ||
sgron mes rnyed 'gyur dbul sel ltar ||
skal pa thugs kyi rin chen nor ||
ston tshig sgron ma 'di rnyed shog ||

thugs kyi sgron ma dpal dbyangs kyis mdzad pa rdzogs so || ||



_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_


Source: Sde dge Bstan 'gyur, Tohoku no. 4447. By Dpal dbyangs.

3.

lta ba yang dag sgron ma bzhugs ||

dpal ldan thugs kyi dkyil 'khor nyi ma'i 'od stong gis ||
shin tu 'bar ba'i zer tsam bdag blo mun par phyung ||
dbyangs dang tshig 'das nam mkha'i mtshan nyid las 'das pa'i ||
rang sems skye med zab mo'i don gyi phyogs tsam snang ||

rang gis rtogs pas mkhas pas gsungs pa'i rnam mang ba ||
rtog ge bdag 'dra'i spyod yul rtsom par mi 'os kyang ||
rig pa'i brjed byang tsam 'di nges don mos rnams kyis ||
chos phyir 'brang ba'i blo yis dpyad cing goms par bya ||

bskal pa mang por rgyal ba rnams la ni ||
dge rtsa bskyed cing rang sems sbyangs pa yis ||
rnal 'byor dam pa des pa'i lung chen la ||
shes rab mchog ldan rig pa'i mos blo gsal ||

rnam par mi rtog don dam rang bzhin gyi ||
rig pa'i tshul chen sems kyis dmigs pa ni ||
lung dang man ngag rigs pas thag bcad de ||
chos kyi rang bzhin yang dag yid ches bya [fol. 384] ||

ji ltar nam mkha' la ni tha snyad du ||
ming dang tshig gis rjod par byed mod kyi ||
mtshan ma med cing spros dang bral ba ste ||
ngo bo nyid kyis sems kyi yul las 'das ||

ji ltar smig rgyu'i phyung po snang ba dag ||
snang ba nyid na nam mkha'i rang bzhin ltar ||
de bzhin chos rnams sna tshogs ltar snang yang ||
snang ba nyid na mtshan ma nam mkha' bzhin ||

rgya che rab zab theg mchog yangs pa'i lam ||
don dam dmigs med spros pa kun las 'das ||
bdag dang chos kyi dbyings su mnyam pa yi ||
dbu ma'i don ch[e]n blo yi rting du go bar byos ||

yang dag don dam cig car go nas ni ||
yod med la sogs sems kyi yul 'das shing ||
re dang dgos pa'i mtha' ni rab spangs nas ||
rtsol ba med pa'i brtson 'grus brtsam par bya ||

chos rnams thams cad ye nas ro gcig phyir ||
bsgom pa dang ni bsgom bya'ang dmigs su med ||
sems nyid ye nas chos nyid yin shes na ||
chos kyi dbyings nyid gzhan du bsgom mi dgos ||

rmi lam dag gi bde dang sdug bsngal dag ||
sad par gyur na rang bzhin mnyam pa ltar ||
rnam par rtog dang mi rtog gnyis ka yang ||
shes pas rig na rang bzhin yongs kyis mnyam ||

de ltar dus gsum rnam par dag pa dag ||
rang bzhin nyid las ma 'das shes na ni ||
sgro 'dogs gus pa'i rjes su ma 'brangs na ||
rang bzhin ngang du yong gis bcos mi dgos ||

ji ltar nam mkha' mtshan ma med pa'i phyir ||
tha snyad tsam du'ang bsgom zhes de la bya ||
skyon dang yon tan gnyis po ma skyes phyir ||
rnam par rtog pa'i mtshan ma ci byung yang ||
ma bkag rang byung ma 'brangs rang zhi ste ||
ma bcos ma byas rang gi ngang gis gsal ||

lta ba yang dag sgron ma rdzogs so || || â tsarya dpal dbyangs kyis mdzad pa'o || ||



_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_


Source: Sde dge Bstan 'gyur, Tohoku no. 4448. By Dpal dbyangs.

4.

mtha'i mun sel sgron ma bzhugs || ||

chos rnams sems kyi 'khrul pa ste ||
sems las ma gtogs chso rnams med ||
chos su snang ba 'khrul pa'i sems ||
rten 'brel sgyu ma skye ba med ||
skye ba med ces bstan pa'ang ||
dngos por 'dzin pa bzlog phyir te ||
sgyu ma ye nas skye med la ||
skye med snyad kyi sgra mi gdags ||
nam mkha' 'di ni med do zhes ||
blun po gang zhig rtog par byed ||
mkhas pa sngon nas yod mi 'dzin ||
med par mi rtog tshig mi brjod ||
sems las ma gtogs chos med phyir ||
bsgom bya'i chos nyid gud na med ||
sems kyang ye nas ma skyes na ||
bsgom pa po'ang gang la yod ||
brjod pa'i rtsa ba sems nyid ni ||
ma skyes dngos gzhi yod min na ||
bsgom dang bsgom du med pa yi ||
tha snyad gang zhig gang la 'jug ||
'gro la sems rgyud gnyis mi 'chang ||
de ni ma skyes rang mi dmigs ||
de las gzhan pa'i sems med phyir ||
bcos shing gnas pa gang zhig yod ||
'khrul rtog rkyen dang ldan gyi bar ||
smig rgyu bzhin du sems snang na ||
rang bzhin shes pas bcos su med ||
mi shes smig rgyu bcos pa bzhin ||
mi rtog mtshan med sems rnams kyis ||
ma rtogs mtshan ma med la'ang gnas ma byed ||
mtshan ma ming la mi gnas na ||
mtshan mar gnas pa smos ci dgos ||
bsgrub pa med cing gnas pa med ||
'du byed med pa mkha' 'dra bas ||
'du byed las byung bsam gtan skyon ||
ma lus kun gyis gos pa med ||
ji ltar rtog med zab mo zhig ||
blo yi yul du snang zhe na ||
mi rtog zab mo'i nyams myong ba ||
myong ba yin phyir de nyid min ||
lta ba dgum chung / mtha'i mun sel sgron ma / bod kyi pandi ta â tsarya gnyan dpal dbyangs kyis mdzad pa'o || ||



_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_


Source: Sde dge Bstan 'gyur, Tohoku no. 4449. By Dpal dbyangs.

5.

thabs shes sgron ma bzhugs || ||

dus gsum rgyal bas ji ltar thugs chud pa'i ||
chos kyi rang bzhin rig pa'i rnal 'byor pas ||
ma thob thob phyir brtson par mi byed kyang ||
snying rje'i bye brag thabs kyi spyod pa'ang ston ||

ji ltar mkha' la 'ja' tshon rnam mang yang ||
nam mkha'i ngang du ro gcig bye brag med ||
de bzhin rgyal ba'i bzugs sku rnam mang yang ||
ye shes dbyings su ro gcig bye brag med [f. 385] ||

bde gshegs snying po sems kyi rang bzhin la ||
yun ring dus nas rmongs pa'i sems can rnams ||
bdag tu 'dzin pa'i sems rgyud so sor snang ||
rang bzhin nyid ni rgyal ba'i chos skur gcig ||

ye shes sgyu mar snang ba'i sangs rgyas dang ||
log rtog sgyu mar snang ba'i sems can gnyis ||
ye shes log rtog khyad par bsam yas kyang ||
sgyu ma yin phyir rang bzhin yongs kyis mnyam ||

sems can sangs rgyas bden par tshul gcig cing ||
rang gi sems nyid sangs rgyas yin shes na ||
gzhan nas bsgrub par bya ba ci yang med ||
de lta bas na spang bar bya ba'ang med ||

'di lta bu yi chos kyi tshul rig na ||
ma rig rnams la snying rje yongs kyis skye ||
snying rje skyes nas sgyu ma'i ting 'dzin gyis ||
phan dogs thabs kyi spyod pa cir yang ston ||

sangs rgyas dgongs pa ji lta ba ||
sems kyi rang bzhin gnam med de ltar bsgom ||
thugs rje'i 'bad pa rab 'byams ji lta ba ||
rnal 'byor thabs kyi ting 'dzin de ltar spral ||

bdag dang bdag gir 'dzin pa med pa'i phyir ||
pha rol phin drug dmigs med rdzogs par ldan ||
thabs kyi spyod pas gdul bya kun 'dul yang ||
sgyu ma'i blo ldan rlom sems ci yang med ||

ma skyes sems la sems can med pa'i phyir ||
ngo bo nyid kyi chos sku'i nga rgyal 'chang ||
chos kun sgyu mar mngon sum gsal ba'i phyir ||
ting 'dzin sgyu mas ci 'dus de ltar ston ||

chos sku mnyam nyid rtogs nas 'gro don du ||
bde gshegs byin rlabs cing yang ston pa ltar ||
bdag nyid chos sku rig pa'i rnal 'byor pas ||
thabs kyi bye brag da nas de ltar brjod

||

thabs dang shes rab ldan pa'i sgron ma rdzogs so || slob dpon dpal dbyangs kyis mdzad pa'o || ||


_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_


Source: Sde dge Bstan 'gyur, Tohoku no. 4450. By Dpal dbyangs.

6.

rnal 'byor spyod pa'i lugs nges pa'i don la ji bzhin sgom thabs kyi sgron ma bzhugs || ||

ji bzhin pa yi chos brtson par ||
chos la chos ni mi 'jug ste ||
ji tsam zab pa'i tshig brjod kyang ||
don dang mthun par mi 'gyur ro ||

sems ni ci la'ang mi gnas dang ||
ci la'ang mi dmigs shes bya ba ||
sems la gnas dmigs skyon sel ba'i ||
sems 'dzin phra mo de la yod ||

smig rgyu bzhin du sems med na ||
mi gnas mi dmigs byed pa gang ||
nam mkha' rang la'ang mi gnas shes ||
bsgom pa don dang ldan ma yin ||

de bzhin skyil krung drang 'dug dang ||
lus kyi bcos pa thams cad kyang ||
lus rtog mngon par zhen nas byung ||
lus med mkha' la bcos su med ||

sgyu ma bzhin du lus shes na ||
drang 'dug skyil krung 'cha' ba med ||
spyod lam gsum gyis gnas pa gang ||
ched du bya med byed pa'ang med ||

lus sems ma skyes gzhi med pas ||
mkha' ltar bcos pa'i kha na med ||
tshad mar lus sems 'chos byed pa ||
'dzin pa'i phur pa de la yod ||

ji ltar mtshan med nam mkha' ni ||
dmigs dang dmigs med rtsol dang bral ||
de bzhin sems nyid nam mkha' yang ||
rang bzhin nyid kyis de lta'o ||

las la sogs kyang de bzhin te ||
rtsol ba med phyir gang ltar yang ||
gnas pa med de mi gnas na ||
mi 'gal tsam du gyur pa yin ||

rnal 'byor spyod pa'i lus nges pa'i don la ji bzhin bsgom thabs rdzogs so || || man ngag dgun chung | gnyan dpal dbyangs kyis mdzad pa'o || ||



_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_


Source: Sde dge Bstan 'gyur, Tohoku no. 4451. By Dpal dbyangs.

7.

lta ba rin chen sgron ma bzhugs ||

gdod nas ma skyes rnam dag byang chub sems ||
rgyal ba rgya mtsho'i thugs dang ye nas mnyam ||
rig dang gti mug sgyu ma'i khyad par las ||
srid dang rnam grol rgyu dang 'bras bur snang ||

dngos po med phyir dngos por rtog pa'ang med ||
chos can mi dmigs chos nyid yod ma yin ||
zhen pa bzlog phyir rkyen bshad ma gtogs pa ||
chos kyi ngang la tshig mod brjod du med ||

snang ba nyid na med pa'i smig rgyu la ||
shes ldan rnams ni med pa'i blo mi 'byung ||
chos rnams rang bzhin ma skyes rtogs pa yi ||
mkhas pas skye med stong par sgro mi 'dogs ||

ji bzhin ma skyes gdod nas zhi ba yi ||
gnyis med spros bral rang rig blo ldan pa ||
brjod med ngang tsam du yang mi gnas na ||
dngos dang tha snyad 'dzin par ga la 'gyur ||

bdag med chos sku byang chub snying po bas ||
gzhan nas btsal zhing thob pa ma yin yang ||
rmi lam sad nas gugs dang bral ba bzhin ||
sgrib spangs byang chub thob ces rgyal bas gsungs || [f. 386]

rmi lam skyes bus dug 'thungs ji bzhin du ||
srid rgyu nyon mongs las rnams de ltar shes ||
rmi lam dug nad sdug bsngal bzod dka' ba ||
skye rgas na 'chi 'khor ba'i sdug bsngal yin ||

rmi lam nang sel sman dang 'dra ba ni ||
'phags lam rnam thar mang por rig par bya ||
sdug bsngal khad kyis 'byor ba'i skad cig ma ||
shes rab ting 'dzin khyad par skye ba'i tshul ||

rmi lam nad bsal sos pa'i bde rnyed pa ||
sems kyi rang bzhin byang chub thob pa'i dpe ||
rmi lam nyid na rgyu 'bras mi bslu bzhin ||
ma rig gnyid log rnams la de ltar nges ||

rmongs gnyid sad shes rab ldan pa dang ||
'khor ba rmi lam lta bu'i dbang tsam du ||
'phags lam don brtson 'bras bu rig par gsal ||
rang bzhin mi 'gyur thob pa'i rlom sems med ||

mnyam pa'i don nyid blo dang ma mnyam na ||
tshig gi mnyam pas rtog pa'i klung mi bzlogs ||
dmyal sogs 'khor ba mnyam las ma g.yos kyang ||
sdug bsngal mi zad srid las 'khyam ||

ye nas rnam dag thob la med rig nas ||
shes rab thabs kyi rnal 'byor rab brtson zhing ||
sku gsung che ba'i yon tan kun bsdus pas ||
mtshan ma'i nyes dang ldan pa ga la yin ||

shes rab mchog gis log rtog sems sbyangs nas ||
ye shes tshogs chen rgyal ba chos kyi sku ||
dpe byad mtshan gyis ting 'dzin dbang thob nas ||
bsod nams tshogs chen rgyal ba gzugs kyi sku ||

rnam smin tshul gyis grub par mi lta zhing ||
ye shes gzhan nas thob par mi byed de ||
sku gsum ji bzhin sbyor bas 'bras bu'i mchog ||
rtsol byas bsgrub pa'i dbang gi rgyu yang yin ||

rang sems rnal 'byor shes rab ting 'dzin yin ||
sems can nyid na bde gshegs yul la 'jug ||
dag pa'i zhing du smon par mi byed de ||
snyigs ma lnga nyid bde ldan gnas su bsgom ||

shes rab gnas med chags pa'i rdul bral yang ||
snying rje sems can khams la skyo ba med ||
sgyu ma'i mtshan nyid ma 'gags mngon sum ste ||
mtshan med ro gcig don dam dbyings su rtogs ||

slob dpon dpal dbyangs kyis mdzad pa'i lta ba rin po che'i sgron ma rdzogs so || ||


_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_°"+ °_


8.

Lta ba'i rim pa. By Nyi ma'i 'od.

Source: I.O.L. (Stein collection) no. 607.

To view a color reproduction of IOL Tib J 607, visit the webpage of the International Dunhuang Project at the following address:

http://idp.bl.uk/database/oo_scroll_h.a4d?recnum=5459;index=4

The following is intended to be used only as an index to the content of the original document. The original document must be consulted in every case.

nyid myed par 'gyur te | 'khor bar yang myi 'grub bo ||

yang gal te gzugs la stsogs pa de dag ri bong gi rwa bzhin du thog ma'i mtha' myed pa nas | myed pa nyid yin na 'khrul pa'i rgyu myed pas de'i dbang gis rnam par shes pa nyid de ltar snang zhes byar yang myi rung ste | dper sngon gomgs pa las skra'i tshogs lta bur 'khrul ba'i rtog pa skye bar rung gi | gang yang myid pa las ni de ltar myi 'thad do ||

yang dngos po de dag nyid myed pa nyid yin la | dngos po lta bur snang ba'i rnam par shes pa gcig du de ltar skye bar 'dod na ni | ri bong gi rwa dang mo sham gyi bu dag kyang dbang po'i shes pa'i yul du gyurd zhing 'khrul pa'i rigs na | de dag kyang de lta ma yin pas | nges pa stong dum las myir 'khrul cing snang ba de bzhin du bum pa snam bu la stsogs pa lta bur snang zhing 'khrul pa'i gzhi yul rang gi mtshan nyid de myed pa ma yin te | thams cad myed pa nyid las skye ba'i skyon du 'gyur ba'i phyir ro ||

mdo gzhan las phyi'i yul myed de || sems nyid de ltar sna tshogs su snang ngo zhes gsungs pa de yang dngos su gzugs la stsogs pa'i chos de dag rnam pa thams cad dgag pa ma yin te || gang gzugs pa'i chos de dag xx skad cig ma'i rang gi ngo bo nyid de || dbang po'i rnam par shes pa'i yul ma yin pa las phyin ci log du zhugs pa'i rnam par rtog pas rang [GA 56r] gi ngo bo nyid de las gzhan du rtag pa dang | ther zug dang | gong bu dang | ril po las stsogs pa 'dra bar mthong ste | dper smyig rgyu ba la chur 'dzin pa lta bu'i dngos po 'khrul par lta ba gang yin ba de | rnams dgag par gsungs pa yin no ||

de bas na yang mdo las | phyi'i rgyu 'breld pa dang | phyi'i rkyen 'brel ba dang | nang gi rkyen 'brel ba yod do zhes phyi nang gi chos so sor phye ste bstan pas | don myed pa nyid du gzhan du myi rung ngo ||

gal te de dag rnam pa thams cad du myed pa nyid (?) yin la | rnam par rig pa tsam 'ba' shig gzhag pa yin | na | de ltan ni do | las de bzhin gshegs pa'i zhing bsam gyis myi khyab pa | rnam par bkod pa de dag kyang myi srid par 'gyur ro ||

tshogs yongs su bskang ba'i dbang x sgyu rig rnam par rig pa nyid de ltar snang zhes byar myi rung ste | gzhi myed pa nyid las snang zhes byar ni skyon gong du bstan pa yin te || don tshogs yongs su bskang ba'i rnam par rig pa nyid kyis zhing de dag yongs su dag par mthong bar 'dod de || gzhan du ma yin no ||

de ltar na mdo las dngos po rnams rin ma ka'i men tog dang 'dra ste | myed do zhes bya ba'i don de dag dgag pa x 'dra bar gsungs pa de yang rab rib can gyi dbang po de nyid rgyur gyur ba las | log shig na me tog (?) nam ka la me tog dngos su yod par sems dpa' [new page] de ma yin te | myed pa de bzhin skad cig ma'i rang gi mtshan nyid las | log shig na | me tog lta bur bum pa snam bu las stsogs pa dngos su yod par 'dzin pa de dag spang bar gsungs pa yin no ||

de bas na gang sems kyi rtog pas phyin ci log tu mthong ba'i dngos po 'khrul pa gzung ba dang | 'dzin pa lta bur kun brtags pa de gnyis ni yod pa ma yin pas | mtshan nyid kyis myed de | ri bong gi rwa bzhin du dngos po myed do ||

gzhan gyi dbang gi rang bzhin rten cing 'brel te 'byung ba'i mtshan nyid don gzung ba dang | 'dzin pa lta bur snang ba nyid de dngos po myed pa ma yin no ||

rten cing 'breld par 'byung ba'i ngo bo nyid pas | sgyu ma lta bur rang bzhin gyis skye ba med pa dang | 'gag pa myed pa de na yongs su grub pa'i ngo bo nyid du 'dod do ||

nang gi rten cing 'brel bar 'byung ba'i ngo bo rnams dang | sku dang | ye shes stsogs pa don dam par ni rnal 'byor pa'i dbu ma pa rnams 'dod pa dang 'dra'o ||

de bas na gzung ba dang 'dzin pa gnyis rang bzhin tha dad de | de tha dad pas gzhan gyi dbang dang yongs su grub pa gnyis kyang phyi nang gnyi ga la bstan pa nyid du 'dod do || |~| slobs dpon nyi ma'i 'od gyis lta ba'i rim pa mdzad pa rdzogs s.ho ||

[GA 57] bsod nams cher bsngo bar gsol ||

~ || 'di ni lta ba'i sa chod lags te slobs dpon thogs myed kyis mdzad pa lags s.ho ||

    A few of the things not included that could be added:

Might add: Buddhaguhya's (Sangs rgyas gsang ba) letter to the Tibetan Emperor Khri srong lde'u btsan (text & German translation in Siglinde Dietz, Die Buddhistische Briefliteratur Indiens).

Might add: Bu ston's History (1989 dpe-cha edition), Catalogue Section, p. 412.5: the section on texts compiled or written by Tibetans. It might help clarify questions of authorship.

Ought to include the works of Ye shes sde here. His work the Lta ba'i khyad par, studied by D.S. Ruegg in Journal Asiatique (1981), pp. 207-229, exists in both Tanjur and Dunhuang versions.

Ought to include Dpal dbyangs' letter to Tibetans, called Gces pa bsdus pa'i 'phrin yig btsun pa chen po dpal dbyangs kyis bod rje 'bangs la brdzangs pa (text and German tr. by Siglinde Dietz, Briefliteratur, pp. 400-529).

Source

rywiki.tsadra.org